तारुण्य म्हणजे काय?

आपल्या शरीरातील संप्रेरकांमुळे होणारा बदल म्हणजे तारुण्य. तारुण्यातील हे संप्रेरक बदल तुमच्यातील शारीरिक बदलांबरोबरच भावनिक उतारचढावांचा अनुभव देऊ शकतात. या काळात तुम्ही भावनिकदृष्ट्या अधिक खंबीर, तीव्र होऊ शकतात. या काळात मूड स्विंगचा अनुभवदेखील बरेचदा येतो. हे बदल सगळ्याच मुलींमध्ये सारखे नसतात. ते प्रामुख्याने आपल्या सभोवतालच्या व्यक्ती, वातावरण यांना आपण कसा प्रतिसाद देतो यावर अवलंबून असतात. तुमच्यात होणारे भावनिक बदल हे कायम नकारात्मक किंवा तुम्हाला अस्वस्थ करणारे असतात असे नाही. तारुण्य असा काळ आहे जिथे तुम्ही स्वतःबद्दल, तुमच्या आवडीनिवडींबद्दल, तुमच्या ध्येयांबद्दल अधिक जाणून घेण्याचा प्रयत्न करतात. तसेच इतर लोकांशी अधिक समजदारीने आणि परिपक्वतेने बोलण्याचा प्रयत्न या काळात केला जातो. या काळात तुम्ही आनंदी आणि निरोगी राहण्यासाठी विविध उपक्रमांमध्ये सहभागी व्हायला हवे. कारण, यामुळे ताणतणावातून आराम मिळतो व आपल्याला मिळणारी अतिरिक्त उर्जा मुक्त करण्यात मदत होते. लिहिणे, संगीत, कला किंवा अगदी मित्रपरिवाराशी चर्चा करणे यातून तुम्हाला तुमच्या भावना व्यक्त करता येतात. तसेच स्वतःबद्दल सकारात्मक विचार करण्याची संधी यातून मिळते.