तारुण्य

बालपण संपून प्रौढत्वाच्या दिशेने होणारा शारीरिक विकास ही आपल्या जीवनातील सर्वाधिक गुंतलेली शारीरिक आणि भावनिक अवस्था आहे. विचारांमध्ये येणारी परिपक्वता, लक्षणीय मनोसामाजिक विकास आणि शारीरिक विकास अशा अनेक गोष्टी तारुण्याच्या काळात घडतात. बालपणापासून प्रौढत्वाकडे होणाऱ्या स्थित्यंतरातील हा महत्त्वाचा टप्पा असतो. मोठे होण्यातला हा बदल जरी एक सामान्य भाग असला तरी, प्रत्येक मुलीचा अनुभव वेगळा असतो आणि बरेचदा आव्हानात्मक व गोंधळात टाकणारा असतो. तारुण्य म्हणजे काय? तारुण्याचे वय कोणते? या कालावधीत भावनिक आणि शारीरिकदृष्ट्या कोणते बदल होतात? हे जाणून घेतल्यास या काळाचा सामना कसा करावा किंवा या कालावधीत कसे वागावे यासाठी तुम्हाला मदत होईल. या लेखात तारुण्य आणि त्याबद्दल असलेल्या शंकाचे निरसन व्हावे यासंदर्भात मार्गदर्शन करण्यात आले आहे.

बालपण संपवून शरीर प्रौढ होत जाते म्हणजेच वयात येते तेव्हा त्यात बरेच बदल होत असतात. या सर्व बदलांमधील प्रमुख कारण म्हणजे मासिक पाळीची सुरुवात होणे. पहिल्यांदा मासिक पाळी आल्यावर कदाचित मनात थोडी भीतीदेखील निर्माण होऊ शकते. पाळी येणे हे वयात येण्याचे लक्षण असून हा प्रौढत्वाच्या प्रवासातील सामान्य भाग आहे. शरीरात होणाऱ्या या बदलामुळे बरेचसे प्रश्नही मनात येऊ शकतात. मासिक पाळी म्हणजे काय?, ती का येते?, त्यामुळे काही त्रास होतो का? या सर्व प्रश्नांची उत्तरे जाणून घेण्याची इच्छा प्रत्येक मुलीला असते. या लेखात अशा सर्व प्रश्नांची उत्तरे मिळणार आहेत. तुम्ही अनुभवत असलेली सर्व परिस्थिती, त्याची कारणे आणि तिचा सामना कसा करावा याची माहिती तुम्हाला या लेखात मिळणार आहे. यामध्ये मासिक पाळीवेळी होत असलेला शारीरिक बदल कसा हाताळावा याचे मार्गदर्शन केले आहे.